Ryan Sandes mik na volgende rekord
2011-03-14 12:01
Kaapstad - Die Suid-Afrikaanse atleet Ryan Sandes, wat die enigste atleet is wat dit kon regkry om al vier ultramarathons in die bekende 4Desert-reeks te wen, mik nou om die Visrivier-roete in Namibië in die vinnigste tyd te voltooi.
Die rekord vir die 84 km-roete is oorspronklik in 1990 deur twee Suid-Afrikaners, Ronnie Muhl en Bruce Matthews, in 11 ure 42 minute opgestel.
In 2003 het drie Namibiërs, Russell Paschke, Charlie du Toit en Coenraad Pool, die rekord in 10 ure 54 minute gebreek.
"So paar jaar gelede het ek die voorreg gehad om die Visrivier as deel van die Racing the Planet-reeks te pak. Dit is een van die mooiste én taaiste plekke waar ek nog moes hardloop. En ek wou nog altyd teruggaan om dit weer te doen," het Sandes oor sy nuutste avontuur gesê.
Na 'n paar dae se verkenning saam met Russell Paschke en Tinus Hansen van www.africanextremepromotions.com, sal die 28-jarige Kapenaar op 19 Maart poog om die Visrivier-rekord te breek.
Vir meer inligting en om Sandes se rekordpoging te volg, besoek sy blog en kyk na beeldmateriaal hier.
Bly op hoogte van al die jongste sportnuus deur Nuus24Sport op Twitter te volg.
- Sport24