Roddick uit VSA Ope
2010-09-02 14:48
New York - Die negende gekeurde manstennisspeler Andy Roddick, is Woensdag in die tweede ronde van die Amerikaanse Ope uitgeskakel toe hy teen Serwië se Janko Tipsarevic vasgeval het.
Tipsarevic, wat 44ste gekeur is, het Roddick in vier stelle met 3-6, 7-5, 6-3, 7-6 verslaan.
Die Serwiër se volgende wedstryd is teen die 17de gekeurde Fransman Gael Monfils. Tipsarevic meen Monfils is na Rafael Nadal, die speler wat die vinnigste op 'n tennisbaan beweeg.
Nog 'n Serwiër, Ana Ivanovic, het haar tweede ronde wedstryd teen Jie Zheng van China met 6-3, 6-0 gewen.
Bly op hoogte van al die jongste sportnuus deur Nuus24Sport op Twitter te volg.
- Sport24