Riviere stuit Dakar-jaers

2013-01-17 08:02

Kaapstad – Die verdedigende motorfietskampioen, Cyril Despres van Frankryk, het sy algehele voorsprong in die Dakar-tydren verder verstewig na Woensdag se elfde skof in Argentinië, maar die jaers in die motor-afdeling is weer deur die weer frustreer.

Organiseerders is genoodsaak om die skof te verkort nadat 'n rivier wat sy walle oorstroom het, die meeste deelnemers tot stilstand gebring het.

Depres se landgenoot Stephane Peterhansel, was een van slegs sewe jaers wat die rivier kon oorsteek. 

Verlede Saterdag se agtste skof is ook deur reën ontwrig.

Peterhansel het tans ‘n voorsprong van sowat 52 minute oor Suid-Afrika se Giniel de Villiers.

Vir die jongste sportnuus volg Nuus24Sport op Twitter.

– Sport24