Richard Branson gereed vir Cape Argus

2013-02-25 12:02

Kaapstad – Die grootbaas van die Virgin-sakeryk, sir Richard Branson, gaan vanjaar aan die Cape Argus-fietstoer in Kaapstad deelneem.

Branson het gesê dat hy al vir jare aan dié bekende fietstoer van 109 km wil deelneem.

“Die lewe is baie meer pret as jy ja, eerder as nee sê; ek is bereid om enigeiets ten minste een keer te probeer,” het Branson gesê.

Die miljardêr sal saam met ‘n span deelneem wat sy skoonseun, Josh Bayliss, uitvoerende hoof van die Virgin-groep, en werknemers van Virgin Active in Suid-Afrika insluit.

Die fietstoer vind op 10 Maart plaas.

Branson het gesê hy mik vir ‘n tyd van net oor die vyf uur.

– Vir die jongste sportnuus volg Nuus24Sport op Twitter.
 

- SAPA