Williams, Clijsters lok rekordaantal toeskouers
2010-07-09 10:51
Brussel -'n Wêreldrekord vir die aantal toeskouers by 'n tenniswedstryd is opgestel toe Kim Clijsters en Serena Williams in 'n kragmeting op die Koning Baudouin-stadion in Brussel gespeel het.
Clijsters het Williams Donderdag in twee stelle met 6-3, 6-2 geklop.
Martina Navratilova was dié vertoonwedstryd se skeidsregter.
Die skare van 35 681 het die vorige rekord van 30 472 gebreek, wat in 1973 in Houston tydens die bekende “Stryd van die Geslagte” tussen Billie Jean King en Bobby Riggs, opgestel is.
Clijsters sou aanvanklik teen haar landsgenoot Justine Henin speel, maar die Belg het onttrek nadat sy haar elmboog tydens die Wimbledon-toernooi seergemaak het.
Williams het toe ingestem om in Henin se plek te speel ten spyte van 'n voetbesering.
Bly op hoogte van al die jongste sportnuus deur Nuus24Sport op Twitter te volg.
- Sport24