Polisie beloof veilige Afrikabeker

2012-11-27 18:08

Kaapstad – Die adjunk-minister van polisie, Makgotso Sotyu, het gesê die nagaan van veiligheidsplanne vir die sokkerskouspel in Januarie in Suid-Afrika – die Afrikabeker-toernooi – is afgehandel, het RSG Dinsdag berig.

Sy het in Pretoria gesê dat beskerming aan al die deelnemende spanne gegee sal word.

Die kompetisie duur sowat 'n maand lank.

Sotyu het gesê die bekamping van misdade wat die toernooi teiken, sal voorrang geniet.

Spesiale howe sal egter nie ingestel word soos wat die geval was met die 2010 Wêreldbeker-sokkertoernooi nie. 

Volg Nuus24 op Twitter.

– RSG