Pistorius op eindstreep geklop

2011-01-26 11:08

Johannesburg – Oscar Pistorius is Woensdagoggend met 'n haarbreedte deur Jerome Singleton van Amerika in die 100 m by die Wêreldbyeenkoms vir gestremde atlete in Christchurch, Nieu-Seeland geklop.

Dié oorwinning was so naelskraap dat Pistorius dieselfde tyd as Singleton ontvang het. (11.33 sek).

Twee jaar gelede in Beijing het Pistorius Singleton met 0.03 sekondes geklop.

Alan Fonteles Cardosa Oliviera van Brasilië het die brons medalje gewen en die Suid-Afrikaner Arnu Fourie was in die vierde plek.

Dit is die eerste keer sedert die 2004 Olimpiese Spele in Athene wat Pistorius by ‘n groot byeenkoms geklop is.

Vir die jongste sportnuus volg Nuus24Sport op Twitter.

- Sport24