Pistorius genooi na elite byeenkoms
2010-04-16 09:59
Johannesburg - Vier van Suid-Afrika se topatlete het ’n uitnodiging na die toonaangewende BT Paralimpiese Wêreldbeker in Manchester ontvang.
Die naellopers Oscar Pistorius, Fanie van der Merwe , Arnu Fourie en die diskusgooier, Fanie Lombard was onder van die bevoorregtes wat na dié veelvuldige sportbyeenkoms genooi is.
Die sportgeleentheid vind vanaf 25 Mei tot 31 Mei plaas.
Laas jaar se byeenkoms het 351 atlete van 38 lande gesien, insluitend 174 medaljewenners van Beijing, asook regstreekse mediadekking geniet wat sowat 82 lande wêreldwyd bereik het.
Vanjaar se byeenkoms sal atlete die geleentheid gee om hulle voor te berei vir die 2012 Paralimpiese Spele in Londen en tegelyke tyd deel te neem aan veelvuldige spansport-items.
Koos Engelbrecht, voorsitter van die Suid-Afrikaanse Vereniging van Gestremde Sport het gesê dié uitnodig is ‘n bewys van die atlete se harde werk en toewyding en dit is ‘n eer.
“Dit is geen gewone sportbyeenkoms nie, hulle sal die geleentheid kry om langs van die beste atlete ter wêreld te staan,” het Engelbrecht gesê.
-Sapa