Pistorius, Caster in SA-span
2011-08-08 14:18
Johannesburg – Die paralimpiese atleet Oscar Pistorius en die 800 m-wêreldkampioen Caster Semenya is Maandag albei ingesluit in die groep van 62 atlete wat Suid-Afrika by die Wêreldbyeenkoms in Daegu, Suid-Korea, aan die einde van Augustus sal verteenwoordig.
"Ons het al die atlete gekies wat aan die kwalifiseringsvereistes voldoen het," het die president van Atletiek SA (ASA) James Evans Maandag gesê.
Pistorius het in Julie by 'n byeenkoms in Italië gekwalifiseer toe hy sy beste tyd in die 400 m in 'n tyd van 45.07 sekondes verpletter het.
Semenya is een van slegs vyf vroue in die span en het gehoop om ook vir die 1 500 m-item te kwalifiseer, maar sy was meer as sewe sekondes stadiger as die kwalifiseringstyd.
Suid-Afrika se span na Suid-Korea:
Mans: 100 m: Simon Magakwe, Thuso Mpuang.
200m: Thuso Mpuang, Lebogang Moeng.
400 m: Oscar Pistorius. 800m: Mbulaeni Mulaudzi.
5 000 m: Elroy Gelant. 10 000m: Stephen Mokoka.
110m Hekkies: Lehann Fourie.
400 m Hekkies: LJ van Zyl, Cornel Fredericks.
3000 m heg-en-steg-ren (steeplechase): Ruben Ramolefi.
Verspring: Luvo Manyonga, Khotso Mokoena.
Driesprong: Thumelo Thagane.
Spiesgooi: Robert Oosthuizen.
Vierkamp: Willem Coertzen.
4x100 m-aflos: Simon Magakwe, Thuso Mpuang, Roscoe Engel, Hannes Dreyer, Lebogang Moeng, Gideon Trotter (reserwe). 4x400 m-aflos: Oscar Pistorius, Ofentse Mogowane, Wille de Beer, Shane Victor, LJ van Zyl, Cornel Fredericks
Vroue: 800 m: Caster Semenya.
400m Hekkies: Wenda Theron.
Spiesgooi: Sunette Viljoen, Justine Robbeson.
Gewigstoot: Simone du Toit
Vir die jongste sportnuus volg Nuus24Sport op Twitter.
– Sport24