Pat Rafter lei Davisbeker-span
2010-10-20 12:22
Sydney - Die tweemalige kampioen van die Amerikaanse Ope, Pat Rafter, is Woensdag aangestel om John Fitzgerald as kaptein van Australië se Davisbeker-span op te volg.
Rafter is slegs Australië se vyfde Davisbeker-kaptein in 60 jaar.
As speler het die wêreld se voormalige nr. 1-speler, Australië na die eindronde in 1999 gelei om teen Frankryk te wen.
Hy was ook in die spanne wat in 2000 teen Spanje en 2001 teen Frankryk in die Davisbeker-eindrondes verloor het.
Tony Roche, wat Rafter lank afgerig het, is aangestel as afrigter van die Australiese span.
Slegs Amerika spog met meer Davisbeker-titels as Australië (28 titels), maar die Australiërs het die beker laas in 2003 gewen.
Bly op hoogte van al die jongste sportnuus deur Nuus24Sport op Twitter te volg.
- Sport24