Parkin dowe sportman van die jaar
2009-12-17 21:02
Johannesburg - Die Suid-Afrikaanse swemsensasie Terence Parkin het sy 2009 swemjaar op 'n hoë noot afgesluit toe hy as die Internasionale Komitee vir Sport vir Dowes as sportman van die jaar aangewys is.
Parkin het vanjaar 12 wêreldrekordsgebreek en het uitgeblink by die 21ste Somer Dowe Spele (Deaflympics) wat in Taipei, Taiwan, gehou is.
Hy het sewe goue medaljes gewen en twee wêreldrekords en ses Deaflympics-rekords verbeter.
Parkin het 'n nuwe wêreldrekord in die 200-vryslag (1:53.12) en die 1500-vryslag (16:08.56) opgestel.
Hy het ook bo-op die medaljepodium gestaan vir die 200-borslag, 400-wisselslag, 100-borsslag, 200-wisselslag en 50-borsslag.
Uit die swembad in Taipei het hy ook 'n brons fietsrymedalje ingepalm.
Aksana Petrushenka van Belarus wat vier goue medaljes, 'n silwer en 'n bronsmedalje by die Deaflympics gewen het, is as die komitee se sportvrou van die jaar aangewys.
– Sapa