Oscar gaan Doer Onder nael
2012-12-17 09:41
Melbourne – Die sesmalige Paralimpiese kampioen Oscar Pistorius sal aanstaande jaar vir die eerste keer in Australië deelneem in twee byeenkomste van die Australiese atletiektoer.
Pistorius sal op 9 Maart in Sydney hardloop en 'n week later sal hy in Perth in aksie wees.
"Die 4x400-aflosspan van Australië was nog altyd sterk so ek weet daar gaan taai kompetisie wees by albei byeenkomste," het Pistorius tydens die aankondiging gesê.
"Steve Solomon [tweemalige Australiese 400 m-kampioen] se vertoning by die Olimpiese Spele was ook uitsonderlik, so hou duimvas dat ek hom Doer Onder sal sien as ek by die wegspringblokke staan," het die Suid-Afrikaner bygevoeg.
Vir die jongste sportnuus volg Nuus24Sport op Twitter.
- Sapa - AP
