Onstuitbare Messi weer die beste ter wêreld

2013-01-08 08:36

Zurich – Die Barcelona-doelskieter Lionel Messi het wéér ‘n rekord opgestel toe hy Maandag sy ongeëwenaarde vierde Fifa Ballon d'Or-toekenning gewen het.

Dié toekenning verseker volgens kenners Messi se status as die beste speler van sy generasie. Sy groot teenstander, Cristiano Ronaldo, van Portugal en Real Madrid, was tweede en sy Barcelona-spanmaat, die Spaanse Andres Iniesta, was derde.

Messi het ook al vier sy Ballon d'Or-toekennings in opeenvolgende jare gewen.

Die 25-jarige se sukses kom na hy in 2012 ook Gerd Mueller se 40 jaar oue rekord gebreek het deur 91 doele in die jaar se toernooie aan te teken.

Spanje se Vicente del Bosque is as die afrigter van die jaar aangewys ná hy sy derde agtereenvolgende internasionale toernooi met die span gewen het toe hulle die Euro 2012 in Julie verower het.

– Vir die jongste sportnuus volg Nuus24Sport op Twitter.
 

- Sapa - AFP