Ondersteuners kry eie 'sokker-begraafplaas'

2012-11-16 11:27

Geselenkirchen, Duitsland – Ondersteuners van die Duitse sokkerspan Schalke sal nou 'n kaartjie kan bespreek na hul laaste rusplek naby die klub se stadion, waar 'n begraafplaas gebou word.

Die eerste begrafnisse word in Desember verwag wanneer konstruksiewerk aan die Schalcke-ondersteunersveld, sowat 1,2 km van die Veltins-Arena, voltooi sal wees.

Ender Ulupinar, 'n voormalige speler vir Schalke se amateurspan wat die projek bestuur, het gesê hy het reeds honderde navrae en versoeke vir besprekings ontvang.

Die begraafplaas, wat in die vorm van 'n stadion uitgelê is, sal uit 'n sokkerveld met twee kleiner doelhokke en spreiligte bestaan.

"'n Totaal van 1 904 [die klub is in 1904 gestig] mense kan op dié veld ter ruste gelê word, het Ulupinar (39) gesê.

Volg Nuus24Sport op Twitter.

- Sapa-DPA