Nuwe bloedtoetse kan dwelms glo makliker opspoor

2012-06-23 14:45

Johannesburg - Die Suid-Afrikaanse Instituut vir Dwelmvrye Sport (SAIDS) het Saterdag gesê die implementering van nuwe bloedtoetse maak dit makliker om ontwerpersdwelms by atlete op te spoor.

Ná die onlangse groot hoeveelheid voorvalle waar daar positief getoets is vir middels, het die instituut se uitvoerende hoof, Khalid Galant, atlete wat deelneem met die houding van “wen ten alle koste” gewaarsku dat dit nou meer riskant as ooit sal wees om middels te gebruik.

Hy sê vordering word gemaak in wat deur nuwe toetsmetodes opgespoor kan word, wat gevolglik die gebruik van middels in sport kan beheer.

“Ons het al die haakplekke in die operasionele ketting uitgestryk met betrekking tot bloedtoetse en ons sal nog meer gesofistikeerde bloedtoetse doen.

“Hierdie toetse sluit in die ontwikkeling van ‘n bloedprofiel van die atleet oor ‘n sekere tydperk, wat met statistiese sagteware geanaliseer sal word om te voorspel hoe die atleet se profiel behoort te lyk,” het Galant gesê

“Enige abnormaliteite word binne hierdie konteks geanaliseer sodat ons kan vasstel of kunsmatige manipulasie deur middels plaasgevind het.”

Galant sê die toetse sal ook daartoe in staat wees om ontwerpersdwelms op te spoor.

– Vir die jongste sportnuus volg Nuus24Sport op Twitter
 

- SAPA