Nuwe amp geskep by Atletiek SA

2012-11-19 14:35

Johannesburg – Atletiek Suid-Afrika (ASA) sal die pos van sy afgedankte uitvoerende hoof, Frik Vermaak, met die van 'n algemene sekretaris vervang, het die organisasie Maandag in 'n verklaring gesê.

"Ná 'n onlangse besluit om die pos van hoof van administrasie in lyn te bring met internasionale standaarde is daar besluit om weg te doen met die uitvoerende beampte-posisie en dit met die van 'n algemene sekretaris te vervang," het die verklaring gelui.

Die hoofdoel van die algemene sekretaris is om "te verseker dat die bestuur van die organisasie se administrasie en finansies glad verloop".

Aansoek vir die posisie sal tot 30 November aanvaar word.

Vermaak, wat verlede jaar in Desember deur ASA aangestel is, is in September afgedank nadat hy skuldig bevind is aan wangedrag, oneerlikheid en swak werkverrigting.

Hy het gesê hy sal die afdanking betwis.

Vir die jongste sportnuus volg Nuus24Sport op Twitter.

- SAPA