'Niemand kan Djokovic klop'
2011-04-04 11:38
Johannesburg - Die media in Serwië het Novak Djokovic as onoorwinlik beskryf nadat hy uitputting oorkom het om Rafael Nadal Sondag in 'n klipharde stryd te klop en die Miami-meesterstoernooi te wen.
Die tweede gekeurde Serwiër het Nadal, eerste gekeur, in drie stelle met 4-6, 6-3, 7-6 (7-4) gewen.
Maandag se koerant-opskrifte in sy geboorteland het onder andere gelui: "Niemand kan Djokovic klop", "Onoorwinlik" en "Die Uitwisser."
Djokovic spog nou met 24 agtereenvolgende oorwinnings wat vier titels insluitende die Australiese Ope insluit.
Nadal kon nog nooit die Miami-toernooi wen nie en is ook in 2005 én 2008 in die eindstryd uitgeskakel.
Vir die jongste sportnuus volg Nuus24Sport op Twitter.
- SAPA