Nederland-hokkie klop moedige Proteas

2013-02-11 12:19

Kaapstad – Nederland het Suid-Afrika se vrouehokkiespan Sondag met 4-2 in die eindstryd van die Investec-uitdaagtoernooi by die Hartleyvale-stadion in Kaapstad geklop.

Die Olimpiese kampioene en die wêreld se nr.1-vrouespan het teen rustyd met 2-0 voorgeloop.

Die eindtelling weerspieël egter nie die harde werk wat die elfde gekeurde Proteas veral in die tweede helfte verrig het nie.

Engeland het vroeër die dag die uitspeelwedstryd vir die derde plek gewen deur Australië te klop.

Vir die jongste sportnuus volg Nuus24Sport op Twitter.

– Sport24