Nadal dalk reg vir VSA-Ope
2009-08-26 08:35
Madrid – Rafael Nadal se herstel van seningontsteking in albei sy knieë maak soveel vordering dat hy dalk aan die VSA-Ope kan deelneem.
Só meen Anthony Luke, ’n kenner op die gebied van sportbeserings aan die Universiteit van Kalifornië.
Die Spaanse tennisspeler het in Junie gesê hy het vir nege maande met pyn in sy knieë gespeel het en vir tien weke buite aksie was voor hy vandeesmaand aan die Montreal Masters-toernooi deelgeneem het.
Hy het Saterdag tydens die Cincinnati Masters in die semi-finaal teen Novak Djokovic verloor.
Nadal sê die pyn is weg en hy sê die uitslag was beter as wat hy verwag het.
“Nadal is jonk so sy kanse is groot om te herstel,” het Luke gesê.
“Hy is definitief kompeterend, wat ’n goeie teken is. Ek dink hy staan ’n kans om sy beste by die VSA-Ope te wees. Sy ritme en vertonings sal aanhou om te verbeter solank sy knie nie enige terugslae gee nie.”
– Reuters