Motlanthe: 'Sport boer agteruit'
2011-11-21 13:19
Johannesburg – Suid-Afrika se adjunk-president, Kgalema Motlanthe, het die swak vertoning van die nasionale sokker- en Olimpiese spanne tydens 'n indaba betreur en gesê vooruitgang het heeltemal tot stilstand gekom.
Motlanthe het afgevaardiges Maandagoggend tydens 'n twee dae lange sportindaba in Midrand by die Gallagher-landgoed toegespreek.
"Ons het byvoorbeeld, tot baie mense se skok, die Afrikabeker in 1996 gewen slegs om te begin terugval tot by die punt waar Bafana vir geen internasionale wedstryde kon kwalifiseer nie."
"Dieselfde geld Suid-Afrika se Olimpiese span," het Motlanthe gesê. "Oor die algemeen vaar ons atlete voortdurend sleg op Olimpiese vlak."
Motlanthe het in sy toespraak van die probleme in sport uitgelig, soos die afwesigheid van transformasie in sommige sportsoorte.
Hy het gesê stappe moet geneem word om dié kwessies op te los sodat transformasie- en ontwikkelingsdoelwitte bereik kan word.
Dieselfde probleme is by die indaba in 2008 uitgewys toe afgevaardiges hul kommer uitgespreek het oor die stadige pas van verandering in sport.
Vir die jongste sportnuus volg Nuus24Sport op Twitter.
- SAPA