McCarthy nie by Afrika-beker toernooi ingesluit

2012-12-28 08:52

Johannesburg – Die Orlando Pirates doelskieter Benni McCarthy en die Kaizer Chiefs verdediger Eric Mathoho is weens beserings nie by die Afrika-beker toernooi ingesluit nie.

Volgens die soccerladuma.co.za webwerf sal McCarthy en Mathoho nie aan Bafana Bafana se oefenkamp, wat van 27 tot 29 Desember by die Orlando-stadion in Soweto plaasvind, deelneem nie.

Gordon Igesund se span bestaan huidiglik uit 31 spelers wat tydens die finale span se aankondiging op 30 Desember tot 23 spelers verminder sal word.

McCarthy sukkel met 'n dyspierbesering terwyl Mathoho 'n kniebesering opgedoen het. 

– Sport24.

– Vir die jongste sportnuus volg Nuus24 op Twitter.