Lange wen sy derde Argus
2010-03-14 13:12
Kaapstad - Malcolm Lange het Sondag vir die derde keer weggestap as die wenner van vanjaar se Cape Argus Pick 'n Pay-fietstoer in Kaapstad.
Die Suid-Afrikaanse kampioen Christoff van Heerden (MTN Energade) was tweede met Daryl Impey (Radioshack-span) wat in die derdeplek klaargemaak het.
Lange se Medscheme-span het ‘n fantastiese resies gehad en goeie taktiek getoon. Dit was Lange se derde oorwinning van dié resies en hy het die 109km in twee ure, 39 minute en 55 sekondes afgelê. Lange het in 1998 en in 2003 ook dié titel geneem.
Anriette Schoeman (Biogen Toyota) het die vroue afdeling vir ‘n rekord sesde keer gewen. Schoeman (32) van Port Elizabeth, het dié resies in drie ure en ses minute voltooi.
Robyn de Groot (MTN Energade) was tweede en Brittanje se Catherine Williamson (Bizhub-span) was derde.
Sowat 35 000 mense het aan vanjaar se Cape Argus-fietstoer deelgeneem.
Die eerste tien plekke het gegaan aan:
Mans:
1 Malcolm Lange (Suid-Afrika) Medscheme-span
2 Christoff van Heerden (Suid-Afrika) MTN Energade
3 Daryl Impey (Suid-Afrika) Radioshack-span
4 Burry Stander (Suid-Afrika) Specialized-span
5 Rene Hasselbacher (Oostenryk) sainfo.co.za-span
6 Dean Edwards (Suid-Afrika) House of Paint
7 Bjorn Glasner (Duitsland) Kuota-span
8 Johann Rabie (Suid-Afrika) Medscheme-span
9 Lance Armstrong (Amerika) Radioshack-span
10 Nicholas White (Suid-Afrika) Medscheme-span
Vroue:
1. Anriette Schoeman (Suid-Afrika) Biogen Toyota
2. Robyn de Groot (Suid-Afrika) MTN Energade
3. Catherine Williamson (Engeland) Bizhub-span
4. Cherise Taylor (Suid-Afrika) Nashua-span
5. Joanna van de Winkel (Suid-Afrika) Biogen Toyota
6. Jennie Stenerhag (Swede) Alpha Pharm
7. Marissa van der Merwe (Suid-Afrika) MTN Energade
8. Chrissie Viljoen (Suid-Afrika) MTN Energade
9. Mariske Strauss (Suid-Afrika) MTN Energade
10. Fabiana Luperine (Italië) Selle Italia Ghezi