Lance Armstrong se internasionale loopbaan eindig
2011-01-23 11:15
Adelaide – Die Tour de France-ikoon Lance Armstrong het sy internasionale fietsry-loopbaan beëindig toe hy die finale been van die Tour Down Under in Sydney voltooi het.
Armstrong, wat kanker oorleef het, het ‘n rekord-getal van sewe Tour de France-wedrenne tydens sy loopbaan gewen, maar kon nie daarin slaag om ‘n wenplekkie te behaal in sy laaste professionele resies buite die VSA nie.
Die geeltrui-legende het nie een van die ses bene van die toer gewen nie en het nie eers die resies se top-50 behaal nie.
Hy het byna ses minute ná die 23-jarige kampioen van die resies, Cameron Meyer, van Australië klaargemaak.
Die 39-jarige Amerikaner het steeds ‘n kontrak met die RadioShack-span en hy sal nog in ‘n paar multi-sport-geleenthede vir hulle deelneem.
Armstrong het verlede Oktober bekendgemaak dat die Tour Down Under sy laaste internasionale resies sal wees.
Bly op hoogte van al die jongste sportnuus deur Nuus24Sport op Twitter te volg
- Sapa - AFP