'Laat meisies by Jeugspele boks'
2010-08-26 08:19
Singapoer - Die Wêreldboksvereniging het gevra dat die volgende Jeugspele in Nanjing, China, meisies sal toelaat om aan die bokskampioenskappe deel te neem.
"Ek gaan die Internasionale Olimpiese Komitee (IOK) versoek om meisies aan die bokskampioenskappe van die volgende Jeugspele te laat deelneem," het die president van die Internasionale Amateur Boksvereniging, Wu Ching-Kuo, gesê.
"Ek glo dat almal die reg moet hê om deel te neem," het Wu tydens vandeesweek se Jeugspele in Singapoer gesê.
"Daarom voel ek dat vroueboksers by die Jeugspele toegelaat moet word," het hy gesê.
Vroueboks sal sy debuut as Olimpiese sportsoort by die 2012 Spele in Londen maak.
Bly op hoogte van al die jongste sportnuus deur Nuus24Sport op Twitter te volg.
- Sport24