LJ wéér hekkieblits
2011-06-01 14:51
Kaapstad - Suid-Afrika se 400 m-hekkiesatleet, LJ van Zyl, het sy nasionale rekord Dinsdagaand op 'n atletiekbyeenkoms in Astrava in die Tjeggiese republiek geëwenaar, het RSG berig.
Hy het 'n tyd van 47,66 sekondes aangeteken en ook die huidige wêreldkampioen, Kerron Clement, geklop.
Van Zyl het sy Suid-Afrikaanse rekord in Februarie vanjaar in Pretoria opgestel.
Sy tyd op seevlak is 'n aanduiding in watter uitstekende vorm die wêreld se voorste 400 m-hekkiesatleet op die oomblik is.
Vir die jongste sportnuus volg Nuus24Sport op Twitter.
- RSG