Kvitova kraai koning op Wimbledon
2011-07-02 16:52
Londen – Petra Kvitova het Saterdag in die Wimbledon-eindstryd vir vroue met 'n telling van 6-3, 6-4 oor die gunsteling, Maria Sharapova, geseëvier.
Dit is Kvitova se eerste Grand Slam-oorwinning.
Die 21-jarige Kvitova het só die derde Tsjeggiese vrou geword om op Wimbledon koning te kraai. Martina Navratilova en Jana Novotna, wat dit voor haar gedoen het, het albei die wedstryd bygewoon.
Die 24-jarige Sharapova, wat vyfde gekeur was, was die oorweldigende gunsteling om die titel te herower wat sy die eerste keer in 2004 gewen het. Sharapova het voor haar 21ste verjaardag ook die Australiese en Amerikaanse Ope gewen.
Kitova, 21, was agtste gekeur, en het nog nie voorheen in 'n Grand Slam-eindstryd verskyn nie.
In hul enigste vorige ontmoeting het Sharapova verlede jaar in Memphis op ’n hardebaan-oppervlak gewen.
“Sy is links en dit is moeilik om op gras teen die hotkloue te speel,” het Sharapova voor die eindstryd erken.
Kvitova is die eerste linksspeler sedert Martina Navratilova in 1994 wat die eindstryd gehaal het.
– Volg Nuus24Sport op Twitter.
- Sapa - AFP