Klitschko behou swaargewigtitel
2009-09-27 07:00
Los Angeles - Die Wêreldboksraad (WBC) se swaargewigkampioen, Vitali Klitschko, het sy WBC-swaargewigtitel suksesvol verdedig in 'n geveg in Los Angeles teen sy voorheen onoorwonne teenstander, Cristobal Arreola.
'n Tegniese uitklophou in die 10de ronde het Klitschko 'n oorwinning besorg.
Arreola, wat gesukkel het om 'n indruk te maak teen die langer en meer beweeglike Klitschko, kon teen die begin van die 11de ronde nie verder boks nie.
Dié oorwinning is Klitschko se derde sedert sy terugkeer na die bokskryt in 2008, ná 'n besering hom in 2005 buite aksie gelaat het.
Klitschko se wedstrydrekord is nou 38-2, terwyl Arreola nou tevrede moet wees met 'n wedstrydrekord van 27-1.
- Reuters