Katar-meesters weens sandstorm opgeskort

2012-02-03 15:11

Johannesburg – Spel in die Katar-meesterstoernooi is Vrydag weens 'n sterk wind opgeskort, het RSG Vrydag berig.

Gonzalo Fernandes-Castano van Spanje loop na die eerste ronde voor met 'n enkele hou.

Die wind het Vrydag net na 09:00 'n snelheid van 40 km/h bereik.

Sowat die helfte van die spelers het met die tweede rondte begin toe spel weens veiligheidsredes gestaak is.

Beamptes van die Europese toer het bevestig dat die toernooi na 54 putjies verkort sal word.

Vir die jongste sportnuus volg Nuus24Sport op Twitter.