Kaizer Chiefs vry nié na Beckham

2012-11-23 09:15

Johannesburg – Die Suid-Afrikaanse sokkerspan Kaizer Chiefs ontken dat hy probeer om die dienste van die sokkerster David Beckham te bekom.

Dít te midde van bespiegelings oor Beckham, wie se kontrak by Los Angeles Galaxy verstryk, se volgende skuif.

"Ek weet nie waar daardie storie vandaan kom nie. Ons het nie eers Beckham se kontaknommer nie," het Bobby Motaung, die Chiefs se bestuurder, aan AFP gesê.

Die voormalige Engeland-, Manchester United- en Real Madrid-speler het gesê hy soek 'n "laaste uitdaging as'n speler," maar hy het nog nie besluit waar nie.

Beckham (37) speel volgende maand sy laaste wedstryd vir Galaxy.

– Volg Nuus24 op Twitter

- AFP