R1 miljoen om Kaapstad-stadion se dak te ondersoek

2012-04-16 13:51

Kaapstad – Die stad Kaapstad gaan R1 miljoen spandeer om die Kaapstad-stadion te ondersoek nadat gevind is dat dele van die dak los is, het die Cape Times Maandag berig.

Tydens 'n roetine-ondersoek sowat 'n jaar gelede is gevind dat van die boute losgekom het, hoewel die dak so ontwerp is dat dit die Moederstad se sterk suidooster kan weerstaan.

Grant Pascoe, 'n lid van die burgemeesterskomitee, het aan die Cape Times  gesê dat die ingenieursmaatskappy Arup vir R1 miljoen aangestel is om 'n onafhanklike ondersoek te doen.

Die stadion in Groenpunt het plaaslike belastingbetalers die afgelope finansiële jaar R44.6 miljoen uit die sak gejaag.

Volg Nuus24Sport op Twitter.
  

- SAPA