Kaapstad dalk gasheer vir Grand Prix
2011-07-05 23:07
Kaapstad – Bernie Ecclestone, F1-grootbaas, het eksklusief
aan Eyewitness News gesê dat Kaapstad moontlik oor twee jaar die gasheer vir
die Grand Prix gaan wees, berig EyeWitnessNews.
Vir meer as ‘n dekade het verskeie berigte aangedui dat die
sport na Suid-Afrika gaan terugkeer.
Volgens Ecclestone kan dié ooreenkoms binne die volgende
twee weke onderteken word.
Ecclestone kon nie besonderhede verskaf nie, maar die ligging van die voorgestelde straatrenbaan is in die Waterfront- en Groenpunt-omgewing.
Die Suid-Afrikaanse Grand Prix is laas in 1993 by Kyalami
gehou en is deur Alain Prost van Frankryk gewen.
Onderhandelinge vir die terugkeer van die Grand Prix na
Suid-Afrika is glo in die finale fase.
Kliek hier vir die volledige storie.
Volg Nuus24 op Twitter.