Jaagduiwel nié Olimpiese swemmer

2012-07-09 14:15

Johannesburg – Die swemmer wat in hegtenis geneem is nadat hy op die N1 na Pretoria gejaag het, is nie deel van Suid-Afrika se Olimpiese span nie.

Godfrey Monei, woordvoerder van Swem Suid-Afrika, het bevestig dat die man nié 'n Olimpiese swemmer is nie, berig Beeld.

Die man en sy pa sal Maandag in die Pretoriase landdroshof verskyn, het die Gautengse verkeerspolisie gesê.

Die swemmer se 55-jarige pa is kort voor 07:00 gevang waar hy teen 234 km/h in 'n Porsche GT3 gery het. Die swemmer is in dieselfde model Porsche agter hom teen 'n spoed van 188 km/h gevang.

Nxumalo het gesê die twee is vir roekelose en nalatige bestuur in hegtenis geneem, met 'n alternatiewe aanklag dat hulle die spoedperk van 120 km/h oorskry het.

Die Suid-Afrikaanse swemspan vir die Olimpiese Spele is besig met voorbereidings in Monaco.

– Volg Nuus24Sport op Twitter
      

- SAPA