IAAF moet sê oor ASA
2009-11-11 23:18
Johannesburg - Atletiek Suid-Afrika (ASA) sal vir tyd en wyl aan internasionale byeenkomste van die Internasionale Vereniging van Atletiekfederasies (IAAF) kan deelneem.
Die Suid-Afrikaanse Sportkonfederasie en Olimpiese Komitee (Saskok) het ASA verlede week in sy geheel geskors, maar Woensdag het die federasie 'n provinsiale span wat in Maart volgende jaar aan die IAAF Wêreld landloopkampioenskappe in Bydgoszcz, Pole gaan deelneem, aangekondig.
Later in die dag het Gideon Sam, voorsitter van Saskok, bevestig dat die federasie toegelaat word om aan IAAF-byeenkomste deel te neem tot Saskok 'n reaksie van die IAAF.
"Ons het hulle 'n brief gestuur wat hulle in kennis stel dat ASA geskors is en wag op hulle reaksie. Hulle (ASA) kan aan byeenkomste van die IAAF deelneem tot ons 'n reaksie van die IAAF het."
Nick Davies, woordvoerder van die IAAF, was nie beskikbaar vir kommentaar nie.
– Sapa