IAAF kanselleer Semenya-perskonferensie
2010-06-10 18:59
Johannesburg - Die perskonferensie in Johannesburg waar Caster Semenya oor die uitspraak van haar geslagskwessie sou praat, is skielik gekanselleer nadat die Internasionale Vereniging van Atletiekfederasies (IAAF ) gesê het die “prosedure” is nog nie afgehandel nie.
Semenya se regsverteenwoordigers het Donderdag in ‘n verklaring gesê dat die perskonferensie nie meer sal voortgaan nie, maar hulle het geen rede vir die kansellasie gegee nie.
Die E.tv-nuuskanaal het Woensdag berig dat die 19-jarige atleet die groen lig gekry het om as ‘n vrou aan byeenkomste deel te neem, maar nou het die IAAF gesê geen finale besluit is nog oor die geslagskwessie gemaak nie.
“Tot en met die proses nog nie afgehandel is nie, vra ons alle belanghebbende partye om geen verdere verklarings uit te reik nie, aangesien dit net tot onnodige verwarring lei,” het die IAAF se woordvoerder Nick Davies gesê.
Bly op hoogte van al die jongste sportnuus deur Nuus24Sport op Twitter te volg.
- AP