Hunter nie gekies vir Tour de France
2011-06-22 12:12
Sydney - Suid-Afrika se Robbie Hunter is weggelaat uit die Radioshack-span wat aan vanjaar se Tour de France in Julie gaan deelneem.
Hunter het Woensdag op sy Twitter-profiel gesê: So, geen Tour de France die jaar nie. Sal seker dan maar die Vuelta (Spaanse fietstoer) doen. Ek sien nou meer gholf in my Julie-program..."
Australië se fietsry-veteraan Robbie McEwen het ook nie die Radioshack-span gehaal nie.
Volgens die ABC-webtuiste het McEwen, wat Vrydag sy 39ste verjaarsdag vier, 12 skofoorwinnings in die 11 keer wat hy die Tour gejaag het, behaal.
Radioshack, waar die sewemalige kampioen Lance Armstrong een van die spanbestuurders is, het gesê hulle wil vanjaar op die geel trui fokus eerder as om individuele skofte te wen.
Radioshack se jaers vir 2011 se Tour:
Jani Brajkovic, Chris Horner, Markel Irizar, Andreas Kloden, Levi Leipheimer, Dmitriy Muravyev, Sergio Paulinho, Yaroslav Popovych, Haimar Zubeldia
Vir die jongste sportnuus volg Nuus24Sport op Twitter.
- Sport24