Herbst wen brons in 100-vryslag

2012-08-31 20:20

Kaapstad – Die Suid-Afrikaanse swemmer Hendrick Herbst het 'n brons medalje gewen nadat hy derde in die 100-vryslag-finaal by die Paralimpiese Spele in Londen geëindig het.

Herbst se tyd was 59.60.

Bradley Snyder (57.43) van Amerika was in die eerste plek terwyl Bozun Yang (58.61) van China tweede geëindig het.

Natalie du Toit het vierde in die 100-rugslag-finaal (S9-kategorie) geëindig terwyl Emily Gray in die sewende plek klaargemaak het.

Charles Bouwer, wat vroeër 'n Afrika-rekord in die 100-vlinderslag-uitdun (S13-kategorie) opgestel het, het in die finaal sewende geëindig.

Die wêreldrekordhouer Fanie van der Merwe het Vrydagaand in die sesde plek klaargemaak tydens die 200-finaal in die T-37-afdeling.

Klik hier vir die volledige Paralimpiese skedule.

Vir die jongste sportnuus volg Nuus24Sport op Twitter.

– Nuus24.