Goud en silwer vir SA-BMX
2009-07-24 15:56
Johannesburg - Twee Suid-Afrikaners het Vrydag met medaljes op die eerste dag van die 2009 UCI BMX Wêreldkampioenskappe in Adelaide, Australië weggestap.
Jonnathan Chislett het goud in die mans 25 tot 29 jaar ouderdomsgroep verower. Kane Herbert het die dag met ‘n silwermedalje in die mans 17 tot 24 jaar kategorie geëindig.
Saterdag sal nóg sewe Suid-Afrikaners in verskeie kategorieë deelneem.
Enige oorwinnings deur Suid-Afrikaners in die wêreldkampioenskappe sal ‘n groot hupstoot vir die land wees voor die BMX Supercross-Wêreldbeker in Pietermaritzburg. Die Wêreldbeker sal van 20-22 Augustus plaasvind.
Sifiso Nhlapo, Suid-Afrika se top-fietsryer, neem nie aan vanjaar se wêreldkampioenskappe deel nie en sal ook die Wêreldbeker misloop terwyl hy van ‘n nekbesering herstel.
– Sapa