Goeie én slegte nuus vir Bafana voor Mali-stryd

2013-01-30 10:14

Durban – Die doelskieter Lehlohonolo Majoro is fiks verklaar vir Suid-Afrika se kragmeting met Mali in die kwarteindronde van die Afrikabeker-toernooi.

Die spanne pak mekaar Saterdagaand om 20:30 op die Moses Mahbida-stadion in Durban.

Majoro het sy been beseer in Bafana Bafana se oorwinning oor Angola.

Die verdediger Anele Ngcongca sal egter nie Sondag teen Mail uitdraf nie omdat hy vir ‘n wedstryd geskors is nadat hy twee geelkaarte in die groepfase ontvang het.

Intussen is die verdedigende kampioene, Zambië, Dinsdagaand uit die toernooi geskop nadat hulle teen Burkina Faso gelykop (0-0) gespeel het in Nelspruit.

En in Rustenburg het Nigerië na die kwarteindronde deurgedring deur Ethiopië met 2-0 te klop.

Vir die jongste sportnuus volg Nuus24Sport op Twitter.

– Sport24