G'n hindernis vir Ramolefi in S-Korea

2011-08-29 13:14

Daegu, Suid-Korea – Suid-Afrika se Ruben Ramolefi het Maandag sy nasionale rekord in die 3 000 m-hindernis vir mans by die Wêreld-atletiekbyeenkoms in Daegu in Suid-Korea verbeter.

Ramolefi was tweede in die finale uitdunronde in 'n tyd van 8:11:05 en het gemaklik vir die eindronde gekwalifiseer.

Die verdedigende kampioen Ezekiel Kemboi van Kenia het die vinnigste gekwalifiseer in minder as 'n sekonde voor Ramolefi.

Intussen het die voormalige kampioen Cornel Fredericks en die Suid-Afrikaanse rekordhouer L.J. van Zyl, albei vir die halfeindronde van die 400 m-hekkies gekwalifiseer.

Wenda Theron het 'n persoonlike beste tyd in die 400 m-hekkies vir vroue in 'n tyd van 56:13 sekondes opgestel om vir die halfeindronde te kwalifiseer.

Vir die jongste sportnuus volg Nuus24Sport op Twitter.

– Sport24