Fransman skok Federer in Rome
2011-05-13 12:35
Rome - Die derde gekeurde Roger Feder is Donderdag van die kleibane by die Meesterstoernooi in Italië gevee na 'n skok-nederlaag in die derde ronde.
Fransman Richard Gasquet het Federer met 4-6, 7-6 (7/2), 7-6 (7/4) in 'n taai stryd geklop
Dié nederlaag sal kommer by Federer wek aangesien die Franse Ope, die tweede Grand Slam van die jaar, in slegs 10 dae afskop.
Dit was slegs die tweede keer in sy loopbaan, die eerste oorwinning was in 2005 in Monte Carlo, wat Gasquet die Switser kon klop.
Nog uitslae:
Rafael Nadal, verdedigende kampioen van die Franse Ope, het na die kwarteindronde in Rome deurgebring nadat hy sy landgenoot Feliciano Lopez met 6-4, 6-2 geklop het.
In die vroue-afdeling het Roland Garros se verdedigende kampioen, Francesca Schiavone van Italië, teruggeveg om Daniela Hantuchova met 3-6, 6-2, 7-5 in 'n marathonstryd van 2 ure 30 min te klop.
Die voormalige Wimbledon-kampioen Maria Sharapova het maklik teen Shahar Peer (6-2,6-2) van Israel geseëvier.
Vir die jongste sportnuus volg Nuus24Sport op Twitter.
- Sport24