Fietsry dalk nie meer Olimpiese sport

2013-01-16 10:13

Kaapstad – 'n Lid van die Internasionale Olimpiese Komitee (IOK), Richard Pound, sê fietsry behoort uit die Olimpiese program weggelaat te word indien Lance Armstrong dié sport se internasionale beheerliggaam (UCI) by sy opkikkersaak betrek.

Pound het gesê die IOK sal straks geen keuse hê om drastiese stappe te neem as Armstrong kan bewys dat die UCI onbehoorlik opgetree het deur die skandaal te probeer toesmeer nie.

Sy opmerkings volg nadat Oprah Winfrey mediaberigte bevestig het dat Armstrong oor sy opkikkergebruik gebieg het tydens 'n onderhoud wat Maandag plaasgevind het.

Vir die jongste sportnuus volg Nuus24Sport op Twitter.

- SAPA