Federer in kwarteindronde
2010-06-28 19:02
Londen - Roger Federer het Maandag met vlieënde vaandels deurgedring tot die Wimbledon-kwarteindronde, terwyl Rafael Nadal hoop dat sy kniebesering hom nie sal verhoed om ook een van die laaste agt te wees nie.
Beide verdedigende kampioene, Federer en Nadal, het die vierde ronde begin met die hoop om hulle probleme agter die rug te sit nadat hulle ‘n wankelrige begin in die toernooi gehad het.
Federer, wat mik vir ‘n sewende Wimbledon-titel, het sy kritici stilgemaak toe hy 6-3, 6-2, 6-3 gewen het teen die Oostenryker, Jurgen Melzer.
“Dit voel wonderlik. Ek het geweet dit gaan ‘n moeilike wedstryd teen Jurgen wees,” het Federer gesê.
Hy sal nou vir Tomas Berdych moet aanpak in die kwarteindronde.
Bly op hoogte van al die jongste sportnuus deur Nuus24Sport op Twitter te volg.
- Sapa - AFP