Federer gaan nóg wen - Sampras
2009-10-20 10:22
Hong Kong - Pete Sampras voorspel dat Roger Federer nog baiel Grand Slam-titels sal wen, ten spyte daarvan dat hy die VSA Ope verloor het.
“Roger gaan nog ‘n paar grotes wen.
“Miskien sal hy nie meer die tenniswêreld oorheers soos in die verlede nie,” het Sampras aan die media in Hong Kong gesê.
Dié voormalige Wimbledon-kampioen was besig om sy opkomende wedstryd teen André Agassi in Macau te bemark.
Federer het teen Juan Martin Del Potro van Argentinië verloor tydens die Amerikaanse Ope.
“Ek hou daarvan om vir Federer te sien speel,” het Sampras gesê.
Hy het bygevoeg dat dit vir Federer dalk nou moeilik sal wees om homself weer te motiveer, aangesien hy sover nog net gewen het.
Federer het vroeër die jaar die Franse Ope gewen en later ook op Wimbledon koning gekraai.
Dit het hom by ‘n totaal van 14 Grand Slam-titels besorg.
Met dié oorwinning het hy Sampras se rekord gebreek.
Sampras, wat vanjaar se Wimbledon-eindronde bygewoon het, sê egter dit was "onvermydelik" dat Federer sy rekord sou breek en dat hy homself gelukkig ag om dit te kon sien gebeur.
- Sapa