Federer dring maklik deur na eindstryd
2011-11-12 19:27
Parys – Roger Federer het Saterdag skaars gesweet toe hy Tomas Berdych van die Tsjeggiese Republiek met 6-4, 6-3 geklop het om die eindstryd van die Parys-meesters vir die eerste keer te haal.
Berdych, die kampion in 2005, het gesukkel om sy ritme te vind soos Federer houe met die voorhand op hom afgevuur het.
Federer het die sege op sy eerste wenpunt behaal toe hy Berdych se afslaan met ‘n voorhandhou na die hoek van die baan gemoker het.
– Sport24
– Vir die jongste sportnuus volg Nuus24Sport op Twitter.