F1 kry vroue-toetsjaer

2012-03-08 14:18

Parys – Die Formule Een-span Marussia het die ervare Spaanse vroue-jaer, Maria De Villota, as een van hul toetsjaers aangestel.

Marussia het Woensdag tydens 'n mediakonferensie aangekondig dat De Villota, die dogter van die voormalige F1-jaer Emilio de Villota, by die Russiese span sal aansluit.

De Villota het voorheen in die Spaanse F3, Daytona 24 uur, Euroreeks 3000 sowel as die Superliga-kampioenskap gejaag.

Sy het verlede jaar in Augustus 300 km in die Lotus Renault afgelê toe sy deur dié F1-span vir 'n toetssesie genooi is.

Twee vroue het voorheen in die Formule Een-reeks gejaag: Maria Teresa de Filippis, wat aan drie wedrenne in 1958 deelgeneem het en 10de was by die Belgiese Grand Prix.

En Lella Lombardi wat in die sewentigerjare gejaag het. Sy het in 1975 sesde geeïndig in die Spaanse Grand Prix.

Vir die jongste sportnuus volg Nuus24Sport op Twitter.

- Sapa - AFP