Duisende verwelkom Woods
2009-11-10 19:51
Melbourne – Duisende aanhangers en ‘n ‘media-sirkus’ het Tiger Woods Dinsdag by Melbourne se Kingston Heath Golfklub vir ‘n oefenrondte verwelkom.
Dit is Woods se eerste besoek aan Australië in 11 jaar en hy het Maandag vir die week se Australiese Meesterstoernooi in dié land aangekom.
"Nee, hierdie tipe aandag is nie normaal nie. Dankie tog dit is nie normaal nie. Mens sien nie gewoonlik soveel mense by ‘n oefenrondte nie, dalk eerder by ‘n kampioenskap,” het Woods aan verslaggewers gesê.
Dit is Woods se eerste toernooi in Australië sedert 1998 en hy meen dit is net as gevolg van tyd.
“Daar is soveel toernooie reg oor die wêreld om aan deel te neem, ek het net die tyd gekry om weer hiernatoe te kom nie,” het Woods gesê.
- Sport24