Chuene 7 jaar uit sport verban
2011-02-18 10:39
Kaapstad – Leonard Chuene, die omstrede geskorste president van Atletiek Suid-Afrika, is vir sewe jaar uit alle sportsoorte verban.
Dít volg nadat Chuene, sy adjunk, Kakata Maponyane en raadslid Simon Dlamini versuim het om Donderdag se sperdatum om teen hul skorsing te appelleer, na te kom.
Die Suid-Afrikaanse Sportkonfederasie en Olimpiese Komitee (Saskok) het die trio vandeesweek skuldig bevind op aanklagte van onder meer geldelike vergrype en wanbestuur.
Maponyane is vyf jaar verban en Dlamini drie jaar.
Die trio het gesê hulle het nie teen die skorsing appelleer nie, omdat hulle nie die wettigheid van die dissiplinêre komitee erken nie.
– Sport24
Bly op hoogte van al die jongste sportnuus deur Nuus24Sport op Twitter te volg