Botha steeds swaargewigkampioen
2009-10-27 14:47
Johannesburg – Die Suid-Afrikaanse swaargewigbokskampioen, Francois Botha, het sy titel net-net teen Pedro Carrion verdedig.
Botha is aanvanklik as die wenner van die geveg teen die Kubaan in die Anhalt-arena in Dessau, Duitsland, aangekondig.
Maar die wêreldboksliggaam, WBF, het glo die beoordelaars se tellings geverifieer en bevind dat die eindresultaat eintlik ‘n gelykoptelling was omdat die twee beoordelaars Matteo Fratini en Tonio Tiberi in die geveg onderskeidelik 114-114 en 115-115 aangeteken het.
Die derde beoordelaar, Jean-Marcel Nartz, het Botha een punt voor gehad met 'n telling van 115-114.
Die gelykoptelling verseker dat Botha sy titel sal behou, maar moontlik gevra gaan word om weer teen die 39-jarige Carrion te veg.
Botha (41) het glo ook sy hand gedurende die wedstryd seergemaak.
- Sapa