Bestuurder: Semenya het rus nodig
2009-08-25 13:52
Johannesburg – Die ster-atleet Caster Semenya se spanbestuurder sê sy sal ’n dag neem om te rus en van media-aandag weg te kom.
“Sy moet rus en op haar familie fokus. Sy moet nou van die media-aandag wegkom,” het Hendrick Mokgamyetsi, spanbestuurder, Dinsdag ná die span se chaotiese aankoms by die O.R. Thambo Internasionale Lughawe gesê.
Hy het gesê dit is moeilik vir die skaam 18-jarige om aan die media-aandag wat sy in Berlyn en in Suid-Afrika ontvang, gewoond te raak.
“Sy probeer, maar ons almal ondersteun haar. Dit is moeilik en ons moet haar help om daardeur te gaan.”
Leonard Chuene, voorsitter van Atletiek Suid-Afrika, het gesê hulle gaan nie Europieërs toelaat om “ons kind te beskryf en te definieër nie”.
Hy het ook gesê Semenya is “getraumatiseer” deur die “onvriendelike internasionale media”.
Semenya het nie die media toegespreek nie en het langs haar mede-medaljewenners, Mbulaeni Mulaudzi en Khotso Mokoena, gesit.
– Sapa