Bekendes reg vir taai Epic
2012-02-01 15:24
Kaapstad – Die Suid-Afrikaanse model Vanessa Haywood en Olimpiese medaljewenner Elana Meyer gaan saam trap by vanjaar se Absa Cape Epic-uitdaagwedren.
Die fietstoer se stigter, Kevin Vermaak, het die Epic wat op 25 Maart op die wynlandgoed Meerendal begin Woensdag aan die media bekendgestel.
Behalwe vir internasionale jaers en bekendes wat vir liefdadigheid trap, is daar ook vanjaar 14 ontwikkelingspanne wat deur die Exxaro-myngroep ingeskryf is.
Op 'n vraag oor hoe haar voorbereiding vir die moordende fietstoer vorder het Meyer gesê al het sy dit in die feesseisoen oordoen, sy dit steeds kon regkry om gewig te verloor weens die strawwe oefenprogram.
Meyer en Haywood jaag vir liefdadigheid saam met die Springbok-held Joel Stransky, vir die Absa-span
Sowat 1 200 deelnemers sal vanjaar 781 km aflê en 16 300 meter moet klim om die eindstreep oor te steek.
Die Absa Cape Epic eindig op 1 April op die Lourensford-wynlandgoed buite Kaapstad.
Vir die jongste sportnuus volg Nuus24Sport op Twitter.
– Nuus24